कुणी रडावे, कुणी हसावे, मी तर माझा मजेत आहे
कुणी जगावे, कुणी मरावे, मी तर माझा मजेत आहे!
आयुष्याचा अथांग सागर, दु:खाची त्याच्यात वादळे
कुणी बुडावे, कुणी तरावे, मी तर माझा मजेत आहे !
पुण्याचा अन् पापाचाही हिशेब कोणी कधी ठेवला?
कुणी करावे, कुणी भरावे, मी तर माझा मजेत आहे !
जीवनभर जळतोच इथे, मग मेल्यानंतर काय करावे?
कुणी सडावे, कुणी जळावे, मी तर माझा मजेत आहे !
पहा लागली शर्यत येथे, उंदिर सारे धडपड करती
कुणी थकावे, कुणी पळावे, मी तर माझा मजेत आहे !
पाठ फिरवता बरेच म्हणती, 'हा तर पक्का हलकट आहे'
कुणी चिडावे, कुणी कुढावे मी तर माझा मजेत आहे !
....रसप....
२९ मे २०१२
I am learning Marathi and I can't really follow each and every word there, but my exposure to Hindi and Sanskrit helps. I just loved the feeling the poem conveyed.
ReplyDelete