मावळलेला दिवस रात्रभर जागवतो

आयुष्याला नवी कहाणी सांग 'जितू'
रोज तेच ते जगून कंटाळा येतो

-------------------------------------

मावळलेला दिवस रात्रभर जागवतो
आणि नव्याने अंधारच मग उजाडतो

माझ्यासोबत कधीच नसतो आनंदी
तुझ्या संगतीने मी इतके विस्मरतो

येणारा क्षण म्हणतो 'क्षणभर जगून घे'
मी गेलेल्याच्या वाटेवर घुटमळतो

अर्धा पेला नेहमीच बाकी माझा
पापणीत अव्यक्तपणे मी साठवतो

देवासाठी जिथे तिथे मंदिर बांधा
आई-बापासाठी वृद्धाश्रम असतो

तुला यायचे असेल तेव्हा ये कविते
तोपर्यंत मी गझलेवरती भागवतो

....रसप....
०९ एप्रिल २०१५