तुझ्या रंगात मैफल रंगवावी
मला माझ्या मनातुन दाद यावी
असे दे दु:ख देवा तू नशीले
सुखाची वासना माझी सुटावी !
कुणी थांबत कुणासाठीच नसते
तुला का वाटले की साद द्यावी ?
नभावर मालकी नाही कुणाची
जमीनीवर तरी रेषा असावी
मला म्हण मूर्ख वा वेडाखुळाही
शिवी चालेल, पण ती तूच द्यावी !
असावा बंगला मोठा तिचाही
'जितू'च्या पातळीची ती दिसावी !
....रसप....
१६ सप्टेंबर २०१२
No comments:
Post a Comment
Please do write your name.
आपलं नाव नक्की लिहा!