माफ करावे कुणाकुणाला
समजुन घ्यावे कुणाकुणाला
मंदिरातही खोगिरभरती
देव म्हणावे कुणाकुणाला
नव्या युगाचा धर्मराज मी
स्वत्त्व हरावे कुणाकुणाला
अवतीभवती असंख्य कविता
सांग लिहावे कुणाकुणाला
उरले सुरले श्वास नकोसे
उधार द्यावे कुणाकुणाला
"मीच शहाणा" सारे म्हणती
मूर्ख म्हणावे कुणाकुणाला
....रसप....
३ मार्च २०१२
No comments:
Post a Comment
Please do write your name.
आपलं नाव नक्की लिहा!