तुझ्या पावलांचे ठसे कालचे
जसे आजचे हे तसे कालचे!
पहा प्रश्न करतील सारे तुला
तुझे रूप आता नसे कालचे
कधी वाटले ना तुला वा मला
नको ते घडावे असे कालचे
नको ते घडावे असे कालचे
अजूनी तुझा गंध रेंगाळतो
तरी विस्मरावे कसे कालचे?
मघाशीच मी पाहिला आरसा
तुझे हास्य तेथे वसे कालचे!
नको नाव घेऊस माझे कधी
कधी सत्य ना होतसे कालचे
....रसप....
१६ ऑगस्ट २०११
No comments:
Post a Comment
Please do write your name.
आपलं नाव नक्की लिहा!