तरही गझल -
येत जा देऊन थोडी कल्पना
देत जा येऊन थोडी सांत्वना
ओसरीच्या कंदिलासम पेटलो
ना घराची वा नभाची कामना
भांडलो अन जिंकले दुनियेस मी
आज पण आहे स्वत:शी सामना
पत्थराला देव म्हणती माणसे
माणसे दिसण्यास लागे साधना
जीवनी ह्या लाभली सारी सुखे
अन तरी दु:खात माझी वासना
पोर फेके पोटची कचऱ्यामधे
माउलीला त्या कशाची वंदना?
वाढले पेट्रोलचे दर आणखी
जाळतो गाडीस ओतुन इंधना !
....रसप....
१३ जून २०१२
(तरह - "येत जा देऊन थोडी कल्पना")
No comments:
Post a Comment
Please do write your name.
आपलं नाव नक्की लिहा!