आज मला मुक्त करा

तुमच्यातुन आज मला मुक्त करा
माझ्यातुन आज मला मुक्त करा

मीच नसे लायक ते प्रेम नको
हृदयातुन आज मला मुक्त करा

शब्द थिटे सूर खुजे ताल चुके
गझलांतुन आज मला मुक्त करा

मी केल्या पापांना मोजू द्या
पुण्यातुन आज मला मुक्त करा

भवताली हिरवळ मी पसरवतो
काट्यातुन आज मला मुक्त करा

प्रामाणिक मी माझ्या छायेशी
नात्यातुन आज मला मुक्त करा

हातावर नशिबाला मी लिहितो
भोगातुन आज मला मुक्त करा

'जीतू' ना रमला ह्या मंचावर
नाट्यातुन आज मला मुक्त करा


....रसप....
३ एप्रिल २०१२