शेवटचा डाव.....जिंकायचाय.

 

आता कुठे मला क्षितिज दिसतंय
आता कुठे आकाश मला खुणावतंय

रात्री चंद्र दिवसा रवि
एकटक मला पाहतात
अन् भरारी भरण्यासाठी
माझे बाहू शिवशिवतात

पण नाही...

ताकद असेल माझ्यात
तरी शिदोरी अपुरी
पल्ला मोठा आहे
केवळ हिंमत नसे पुरी

कणकण अन् क्षणक्षण
साठवून मला ठेवायचाय
आणि सारे काही पणाला लावून
एकच डाव खेळायचाय

आरंभशूर मी नेहमीच होतो
आता वेग राखायचाय
एकच लक्ष्य एकच ध्येय
शेवटचा डाव जिंकायचाय....
..शेवटचा डाव.....जिंकायचाय.



....रसप....
२६ सप्टेंबर २००८