सण माझ्या राजाचा
राजा माझ्या शेताचा
आज त्याच्या रूपाला
चौपट खुलवायचं
हिरव्यागार शिवारासारखं
सुंदर सजवायचं
पण राजा तुला माझी
काय सांगू व्यथा..
'आ' वासल्या आभाळाचा
पोटात गोळा मोठा..!
वस्त्र तुला माझं देईन
स्वत: नागवा होऊन
रंग तुझ्या शिंगांना
आपलं रक्त देऊन
तरी पांढ-या आभाळाला
रडू फुटत नाही
नदीमधून धूळ उडते
विहिर भिजत नाही
पिण्यासाठी पाणी नाही
आंघोळ कशी घालू..?
मरण तुझ्याच शेताचं
सण कसा करू..??
....रसप....
१९ ऑगस्ट २००९
kay comment lihu kalat nahi..
ReplyDeletedushkal aani aajacha ha pola...shetakaryachi manasthiti achuk mandaliyes shabdaat!!
ekhadya shetkaryane tyachya bhavna bolavya itkya sachhepanane utarli aahe kavita. mhanje tuch shetkari aahes aitki sajagtene savedna utarli aahe kavitet.
ReplyDelete