मी जपानी

ध्वस्त होता जिद्द नाही सोडली
घेतली नाही कधी माघार मी

दावले तू दानवाचे रूप जे
पोळलो मी, साहिले मी घाव ते
मानली नाही मनाने हार मी
घेतली नाही कधी माघार मी

रे निसर्गा क्रुद्ध तू झालास का?
मानवाला पाहुनी भ्यालास का?
का कधी केले तुला बेजार मी?
घेतली नाही कधी माघार मी

मी नवे सिद्धांत येथे मांडतो
राख होता मी भरारी मारतो
आक्रितांना झेलुनी खंबीर मी
घेतली नाही कधी माघार मी

मी जपानी गर्व आहे हा मला
देश माझा मीच माझा बांधला
ह्या जगाने पाहिले झुंजार मी
घेतली नाही कधी माघार मी


....रसप....
१४ मार्च २०११