भीमासाठी जगतंय कोण ?

भीमासाठी जगतंय कोण ?
गांधीसाठी झिजतंय कोण ?
उपोषणांचे स्तोम माजले
सत्यासाठी मरतंय कोण ?

पाटिलकी शाबूत राहिली
शिवबासाठी लढतंय कोण ?
जो-तो जाती-धर्म जाणतो
एकीसाठी झुरतंय कोण ?

पोकळ बाता समाजसेवी
जनतेसाठी वदतंय कोण ?
धमाल मस्ती मजा करूया
नेत्यासाठी जमतंय कोण ?

स्वार्थाचा बाजार मांडला
तुमच्यासाठी बसतंय कोण ?
आरक्षण द्या प्रत्येकाला
विद्येसाठी शिकतंय कोण ?

चिंता आहे इस्टेटीची
बापासाठी रडतंय कोण ?
अपुली पोळी भाजुन घ्यावी
दुसऱ्यासाठी जळतंय कोण ?

....रसप....

१४ एप्रिल २०१२