आण घेतो आज रण्या

 

आहे माझ्या मराठीत आईचीच माया
तिच्या सेवेविना माझा जन्म जाई वाया

शब्दसुमनांची केली तिच्यासाठी माळ
कृपा ठेव माझ्यावरी, विनवितो बाळ

किती आली गेली युगे एकामागे एक
गाती तुझी थोरवी ते थोरही अनेक

इतिहास सरला तो काळ हा वेगळा
आता येथे शिकायाला इंग्रजीची शाळा

तरी आई तुझा पोर बदलला नाही
तुझा अभिमान माझ्या नसांतून वाही

आण घेतो आज रण्या कर्तव्याच्या पोटी
तुझे नाव आणीन मी आकाशाच्या ओठी

गतवैभवाला देऊ नवीन झळाळी
कोणी नाही म्हणणार “कोणे एके काळी”


....रसप....
२८ फेब्रुवारी २०११