खपली

रक्ताचं पाणी तर कधीचंच झालंय..
फरक इतकाच की,
पूर्वी डोळ्यातून बाहेर वाहायचं..
आता आतल्या आत झिरपतंय

दिसायला मी कोरडाठाण दिसतो
पण आतून चिंब चिंब असतो
आणि लोक म्हणतात -
माझ्या हातात मायेचा ओलावा वाटतो....!

रोज रात्री धरते,
रोज सकाळी उघडते
डोळ्यांच्या जखमांवर पापण्यांची खपली
एकही थेंब बाहेर न सांडता,
मी तुझी प्रत्येक आठवण
अशीच तर जपली...!

प्रत्येक जखम... फक्त तुझी,
प्रत्येक खपली... फक्त माझी..
पण तीसुद्धा रात्रीपुरतीच.....

....रसप....
१४ जून २०१२