गती आमच्या नसांत भिनली
श्वासा-श्वासांत
सेकंदाच्या काट्यासंगे
पळतो तालात
कितीक येवो महापूर वा
असंख्य हो विस्फोट
नमणे नाही शमणे नाही
कुठल्या आपत्तीत
अजिंक्य आम्ही रोजच लढतो
नवीन संग्राम
आकाशाच्या विराटतेचे
अम्हांस वरदान
अम्ही जाणतो सत्य एकचि
"विश्वचि अमुचे घर"
अम्हां रोखणे अशक्य केवळ
आम्ही मुंबईकर
थकून-भागून रवी मावळे
रोज सागरात
अन् मग हसतो सलाम करतो
सागर आम्हांस -
"कुठून मिळते तुम्हांस ऊर्जा, पुरे न सूर्यास
नतमस्तक मी तुम्हांपुढे धुतो पदकमलास..!!
....रसप....
श्वासा-श्वासांत
सेकंदाच्या काट्यासंगे
पळतो तालात
कितीक येवो महापूर वा
असंख्य हो विस्फोट
नमणे नाही शमणे नाही
कुठल्या आपत्तीत
अजिंक्य आम्ही रोजच लढतो
नवीन संग्राम
आकाशाच्या विराटतेचे
अम्हांस वरदान
अम्ही जाणतो सत्य एकचि
"विश्वचि अमुचे घर"
अम्हां रोखणे अशक्य केवळ
आम्ही मुंबईकर
थकून-भागून रवी मावळे
रोज सागरात
अन् मग हसतो सलाम करतो
सागर आम्हांस -
"कुठून मिळते तुम्हांस ऊर्जा, पुरे न सूर्यास
नतमस्तक मी तुम्हांपुढे धुतो पदकमलास..!!
....रसप....
